Invitasjon til folkemøte om revidering av arealdelen av kommuneplanen.

Arealdelen av kommuneplanen er bestemmande for arealbruken i kommunen. Den seier kvar det kan byggast bustader, næringsbygg, fritidsbustader osv. Den seier også kva område der andre omsyn enn utbygging skal prioriterast, som til dømes landbruk og natur- og friluftsliv. Askvoll kommune skal revidere arealdelen av kommuneplanen. I samband med dette ynskjer kommunen innspel frå innbyggarane.

Vi inviterer til folkemøte i krinsane:

• Førdefjorden: Måndag 10. mars kl 1900 i Allaktivitetshuset på Høgda
• Stongfjorden: Onsdag 12. mars kl 1900 i Grendahuset
• Værlandet/Bulandet: Onsdag 19. mars kl 1800 i Værlandet Ungdomshus
• Atløy: Torsdag 20. mars kl 1900 i Kulturhuset
• Holmedal: Onsdag 26. mars kl 1900 i Holmedal bygdehus
• Askvoll: Onsdag 2. april kl 1900 i foajéen på Askvoll skule

På folkemøta vil vi informere om planarbeidet og høyre korleis innbyggarane ønskjer at areala i kommunen skal nyttast. 

Har du tankar eller idear til korleis kommunen eller din krins bør utviklast, eller har du planar om areal du ynskjer skal nyttast til bustader, næring eller anna er du hjarteleg velkomen. 

Om du har innspel allereie no kan du gjerne sende det til kommunen.  Meir informasjon om planarbeidet kan du finne på denne sida.