Søknad om utsleppsløyve

Bustad og fritidsbustad

• Du må søke når du skal etablere eit nytt utslepp av sanitært avløpsvatn
• Du må søke når du vil auke eit eksisterande utslepp vesentleg
• Søknad om utsleppsløyve må vere godkjent før byggesøknaden din kan handsamast

Dersom du skal byggje ny bustad eller fritidsbustad i område der du ikkje kan kople til kommunalt avløp, må du som regel søkje om utsleppsløyve. Det same gjeld om du planlegg å auke eksisterande utslepp utover det du har løyve til, til dømes ved installering av vassklosett, dusj, bad, våtrom, o.l.

Ta kontakt med kommunen for rettleiing dersom du er usikker på om du kjem til å auke eksisterande utslepp.

Næringsbygg og andre bygg

• Du må søke når du skal etablere eit nytt utslepp av sanitært avløpsvatn
• Du må søke når du skal etablere eit nytt utslepp eller påslipp av oljehaldig avløpsvatn
• Du må søke når du skal etablere eit utslepp eller påslipp av feitthaldig avløpsvatn, feittavskiljar 
• Du må søke når du vil auke eit eksisterande utslepp vesentleg
• Søknad om utsleppsløyve må vere godkjent før byggesøknaden din kan handsamast

Informasjonen under gjeld i hovudsak for søknad om utsleppsløyve gjeldande bustad og fritidsbustad

Innhent informasjon

• Innhent naudsynt informasjon og dokumentasjon til søknaden din. Det er søkar som skal hente inn all naudsynt informasjon og vise at det planlagde utsleppet er i tråd med krava.
• Ta kontakt med kommunen for å få innsyn i kva krav og eventuelle lokale tilpassingar som gjeld der du vil sleppe ut avløpsvatn. 
• Varsle naboar og andre spesielt involverte. Varsel skal sendast ut med svarfrist minimum 4 veker. Dersom du er i tvil om kven som skal varslast, kan du ta kontakt med kommunen. 

Fyll ut søknadsskjema

Søknadsskjema for utslepp av sanitært avløpsvatn frå hus og fritidsbustadar (PDF, 168 kB)

Rettleiar - Søknad om utsleppsløyve (PDF, 44 kB)

Legg ulik dokumentasjon i separate vedlegg, og merk vedlegga. Søknaden kan du sende:

• per e-post til postmottak@askvoll.kommune.no
• per post til Askvoll kommune, Askvollvegen 426A, 6980 Askvoll 
• Møte opp på rådhuset og levere søknad