Oppgåver
Askvoll frivilligsentral skal stimulere til frivillig innsats, at det er mangfaldige og opne møteplassar i kommunen og vere eit bindeledd mellom kommunen og frivilligheita.
Vi skal legge opp til gode aktivitetar etter lokale føresetnader, i samarbeid med frivillige, lag/organisasjonar og andre.
Vi skal stimulere til nye aktivitetar i samarbeid med andre.
Treng du hjelp til:
- søknader, fylle ut skjema
- hjelp til å organisere noko
- nokon å samarbeide med om små og store prosjekt.
Ta kontakt, så finn vi ut om eg kan hjelpe deg.
Askvoll frivilligsentral utfører ikkje lovpålagte oppgåver, oppgåver nokon har som yrke, eller det lag/organisasjonar driv med. Vi samarbeider.
Tanken er at det frivillige arbeidet skal vere tufta på det arbeidet den frivillige ynskjer å utføre. Ingen ide er for liten, eller for stor.
Bidra med det du kan
Om du fortel oss kva du kan, så skal vi syne deg kva du kan bidra med. Kan du symje, kjøre bil, skravle, tulle eller noko heilt anna?
Fortel oss kva det er DU KAN.
Frivilligsentralen administrerer også den Kulturelle spaserstokken.
Biblioteket i sentrum
Du finn oss i bibliotekslokala i gamle bankbygget i Askvoll sentrum (Askvollvegen 423)